Klinikanın uğuru vahid strukturu təşkil edən yüzlərlə elementlərdən ibarətdir. Bu elementlər sırasına klinikanın yerləşdiyi ünvan, məkanın interyer və eksteryer dizaynı, avadanlıqların keyfiyyəti, həkimlərin peşəkarlığı, qiymət siyasəti, loyallıq proqramı, əməkdaşların davranışı, tanışların tövsiyələri, sosial şəbəkə üzrə rəylər və s. məqamları daxil etmək olar. Bu siyahıda həmçinin sayt və internet-reklamı, klinikanın imici ilə iş, naviqasiya və digər oflayn marketinq alətləri kimi əsas komponentlər də yer tutur.
Bütün bu sadalananlar bir məqsədə qulluq edir – müştəriləri qazanıb əldə saxlamaqla klinikanın gəlirini artırmaq. Bütün bu vasitələrin nəticə verməsi üçün, reklamların xaotik formada deyil, sistemli şəkildə reallaşması lazımdır. Klinikanın fəaliyyətini yeni səviyyəyə qaldırmaq üçün bir və ya iki reklam alətini işə salmaq kifayət etmir. Burada bütün kommunikasiya vasitələri ilə işləmək lazımdır ki, bir marketinq aləti digərini dəstəkləsin və bütün onlar sistemli şəkildə işləsin.
