Bir çox insanlar həkimə müraciət etməyi son günə kimi təxirə salır və yalnız kəskin ehtiyacları yarandıqda klinikaya müraciət edirlər. Buna görə də, tibb sahəsində reklamın real effektivliyini qiymətləndirmək çətindir - çünki reklam müraciəti və birbaşa xidmət sifarişinin həyata keçməsi üçün müəyyən zaman tələb olunur.

Tibbi xidmətin keyfiyyəti heyət tərəfindən müəyyən edilir. Klinikada çalışan həkimlərin ixtisaslaşması və nəzakəti, inzibati heyətin xoş rəftarı və gülərüz siması müştərinin diqqət etdiyi və tibb mərkəzi rəhbərinin çalışdığı əsas amillərdən biridir.

Yanlış seçim etmək qorxusu, potensial müştəriləri klinikaya dair məlumatları müxtəlif mənbələrdən daha diqqətlə araşdırmağa vadar edir. Bu isə nəticədə müştərilərin internet üzərindən olan reklamlara qarşı olan həssaslığını azaldır. Belə olan halda insanlar dost, tanış, internet istifadəçilərinin rəylərinə üstünlük verməyə çalışırlar.

Yalnız tibbi marketinq sahəsində müştəri psixologiyası və tibbi xüsusiyyətləri bilən mütəxəssis, bütün bu incəlikləri nəzərə ala və onlardan düzgün istifadə edə bilər.