Marcom Marketinq və PR şirkəti Gilan Holdinq-in Sənaye portfeli üçün tikinti bazarının ən böyük məhsul kataloqunu hazırladı.

Şirkətin qrafik və veb dizayneri Bəhruz Manafovun sözlərinə görə məhsul kataloqunun hazırlanması üçün orta hesabla 8 aya yaxın vaxt tələb olundu. Bu müddət ərzində holdinqə daxil olan müəssisələrdə yerdən və havadan 10 400-dən çox foto çəkilişlər həyata keçirilmişdir. Bundan əlavə studiya şəraitində 3200-dən çox məhsul şəkilləri çəkilib, üzərində texniki işlər aparılmışdır.

10 bölmə 1500-dən çox məhsul çeşidi

Şirkət tərəfindən hazırlanmış kataloq 8 bölmədən ibarətdir. Korporativ müştərilər üçün hazırlanmış kataloq özündə asfalt, beton, kərpic, çınqıl, kalsit, qranit, seramik, alçipan, lift, kanalizasiya sistemləri və s. müxtəlif tikinti materiallarını və avadanlıqlarını birləşdirir.

Qeyd edək ki, Marcom şirkəti tərəfindən hazırlanmış 260 səhifədən ibarət olan kataloq 18 Oktyabr tarixində keçirilən İnşaat sərgisində sərgi iştirakçılarına təqdim olunmuşdur. Hal-hazırda şirkət Gilan Sənaye portfelinin korporativ saytı və kataloqun İngilis dilinin variantının hazırlanması üzərində çalışır. Saytın yaxın günlərdə istifadəyə veriləcəyi gözlənilir.