Şirkətin icraçı direktoru Ceyhun Fərzəliyev-in sözlərinə görə 2018-ci il Marcom şirkəti üçün yeni əməkdaş transferləri, rəqəmsal marketinq üzrə əldə olunmuş sertifikatlar və fərqli layihələrlə yadda qalıb. Onun sözlərinə görə 2019-cu ildə şirkət daha çox rəqəmsal marketinqə fokuslanacaq. “Növbəti il üçün nəzərdə tutduğumuz planların bir qismi artıq hazırdır. 2019 - cu ildə bazara 3 yeni xidmət və rəqəmsal platforma təqdim etməyə hazırlaşırıq. Təqdim edəcəyimiz məhsullar həm bazarın maariflənməsinə, həm də davamlı inkişafına xidmət edəcəkdir. Əlbəttə ki, əvvəlki illərdə olduğu kimi növbəti ildə də keyfiyyətli işlər görmək üçün insan kapitalına yatırım etməyi hədəfləyirik.

Müsahibə zamanı şirkətin icraçı direktoru onu da qeyd edib ki, şirkətin əsas şüarına uyğun olaraq öz müştərilərini sektorla bağlı daima maarifləndirməyə davam edəcəklər. Onun sözlərinə görə yerli bazarda fəaliyyəti tənzimlənməyən agentliklər mövcuddur. Həmin agentliklər müştəriləri yanlış istiqamətdə aparmaqla, sektorun imicinə kölgə salırlar. Bu da sonda həmin müştərilərin yerli marketinq və PR şirkətlərinə inamsızlığı ilə nəticələnir. Bunun qarşısını almaq üçün biz yeni məhsul hazırlamışıq və 2019-cu ildə həmin məhsulu bazara təqdim edəcəyik.

Qeyd edək ki, Marcom Marketinq və Kommunikasiya şirkəti Google üzrə dünyada malik olan 20 rəqəmsal sertifikatın 14-ə sahibdir.