Marcom Marketinq və Kommunikasiya şirkəti müştəriləri maarifləndirmək və bazarı sağlamlaşdırmaq istiqamətində növbəti xidmətini təqdim etdi. Şirkət, bazara təqdim etdiyi Konsultasiya xidməti çərçivəsində kiçik və orta biznes sahiblərini marketinq sahəsində maarifləndirməkdə dəstək olacaq.

Şirkətin icraçı direktoru Ceyhun Fərzəliyevin sözlərinə görə bu istiqamətdə hər bir bazar iştirakçısını maarifləndirmək Marcom şirkətinin ana xəttini təşkil edir. “Konsultasiya xidməti şirkətin 2019-cu il yol xəritəsinin tərkib hissəsidir. Marketinq sahəsində konsultasiyaya ehtiyacı olan kiçik və orta biznes sahibləri Marcom şirkətinə zəng edərək faydalanmaq istədikləri xidmətlər haqqında ödənişsiz konsultasiya ala bilərlər. Bu xidmətin yaradılmasında əsas məqsəd yeni fəaliyyətə başlayan şirkətlərin peşəkarlardan dəstək alaraq bazarda doğru addım atmasıdır. Biz istəmirik ki, fəaliyyətə yeni başlayan sahibkarlar məlumatsızlıq səbəbindən həm vaxt, həm də büdcə itkisinə yol versinlər, bazardakı fəaliyyətlərinə qısa müddətdə son versinlər. Bu Marcom şirkətinin 2019-cu il ərzində bazara təqdim etdiyi sayca ikinci xidmətdir. Biz bu ilin yanvar ayında bazarın sağlamlaşdırılması istiqamətində Marketinq Audit xidmətini istifadəyə verdik və bununla da bazar fəaliyyət göstərən bir çox şirkətlərin bu məhsula necə ehtiyacı olduqlarını gördük. İlin sonunadək istifadə verəcəyimiz daha 2 marketinq xidməti də məhz bazar iştirakçılarının işinin optimallaşdırlması istiqamətində olacaqdır. Hal-hazırda həmin xidmət üzərində müvafiq işlər görülür.

Qeyd edək ki, Marcom şirkəti Azərbaycan və Gürcüstan bazarında fəaliyyət göstərməkdədir. Şirkət bu yaxınlarda bulud (cloud) sistemi üzərindən CRM platformaları təklif edən Cubics Technology şirkəti ilə strateji tərəfdaş oldu.