Minimal funksionallıqlarla təchiz olunmuş saytın özəl proqramlaşdırma yolu ilə tam şəkildə hazırlanması müddəti 38 - 44 iş günüdür.

Saytın frontend tərəfinin işlənilməsi sifariş olunan saytın hərəkətli halının hazırlanmasıdır.

Saytın hazırlanması Dizayn, Frontend (Verstka), Proqramlaşdırma, Test olunma, saytın doldurulması, Google SEO tərəfinə aid olan Meta Title, Meta Description, Açar sözlərin yazılması mərhələlərini əhatə edir.

Saytın qiyməti statik və dinamik səhifələrin sayı, o cümlədən saytda olacaq funksionallıqlar əsasında formalaşır.

Marcom şirkəti hostinqlə bağlı yarana biləcək riskləri və təhlükələri nəzərə alaraq hostinq xidmətini müştərilərinə təklif etmir.

Saytın texniki tapşırığı saytın texniki tələblərini özündə əks etdirən sifarişçi və İcraçı tərəfindən təsdiqlənən sənəd formasıdır. Texniki tapşırıq Sifarişçi tərəfindən hazırlanaraq icra etməsi üçün Marcom şirkətinə təqdim edir.

Saytın strukturu excel faylında Sifarişçi tərəfindən hazırlanaraq Marcom şirkətinə təqdim olunur. Öncədən razılaşdırılma əsasında saytın strukturu Marcom şirkəti tərəfindən də hazırlanaraq Sifarişçi tərəfə təqdim oluna bilər.

Sifarişçi tərəf Marcom şirkətinə sayt üzrə mətn və şəkilləri hər bir bölmənin məlumatları ayrı-ayrı qovluqlarda təhvil verməlidir. Məsələn: Haqqımızda bölməsində yerləşdirilməsi nəzərdə tutulan mətnlər Word (.doc) faylında 3 dildə tərcüməsi olmaqla əlavə edilməli və şəkillərlə birlikdə ZIP edilərək göndərilməlidir.

Mətnlər saytın daxili səhifələrinin dizaynı haqqında təsəvvürün formalaşması üçün Marcom şirkətinə öncədən təqdim olunması məqsədə uyğun hesab olunur.