Menu

AZ RU
Əsas Xəbərlər Marcom Xəbərləri Marcom Və Cubics Technology Şirkəti Strateji Tərəfdaş Oldular.

Marcom və Cubics Technology şirkəti strateji tərəfdaş oldular.

2019-06-19

Daima yeni marketinq alətləri üzərində çalışan Marcom Marketinq və Kommunikasiya şirkəti qabaqcıl cloud (bulud sistemi) üzərindən CRM platformaları təklif edən Cubics Technology şirkəti ilə strateji tərəfdaş oldu. Hər iki şirkət müxtəlif istiqamətdə fəaliyyət göstərən bazar iştirakçılarının CRM platformalarından istifadəsini əlçatan etmək üzərində çalışacaqlar.

Cubics Technology şirkətinin icraçı direktoru Hacıağa Hacının sözlərinə görə bu istiqamətdə strateji tərəfdaş tapmaq olduqca çətin məsələdir. “Biz Marcom şirkətinin fəaliyyətini çoxdan izləyirdik. Şirkətin bazarda formalaşdırdığı dəsti xətt və layihələrə yanaşması bizim diqqətimizi cəlb etdi. Daha sonra şirkət olaraq CRM Platformaları ilə bağlı fikir mübadiləsi apardıq və anladıq ki, bu istiqamətdə yeni həll yolları təqdim edərək şirkətlər üçün CRM platformalarını daha əlçatan edə bilərik. Bu gün bazarda fəaliyyət göstərən bir çox şirkətlər istifadə etdikləri bahalı və limitli funksionallığı olan CRM platformalarından istifadə etməkdə davam edirlər. Yaranmış hər hansı bir problemi həll etmək istədikdə isə dil baryeri, ölkələrarası saat fərqi və işə operativ yanaşmada müəyyən problemlər yaşayırlar. Şirkətlərin bu və digər problemlərin həlli üçün iki şirkət olaraq səylərimizi birləşdirməyi qərara almışıq.”

Marcom şirkətinin icraçı direktoru Ceyhun Fərzəliyev isə şirkətlərarası imkanlardan danışaraq bunları söyləmişdir. “CRM Platformalar bazarının inkişafı və bu istiqamətdə ən son texnologiyaların tətbiqi, o cümlədən hər kəs üçün əlçatan olması bizim üçün çox önəmli məsələdir. Mən çox şadam ki, Marcom şirkəti olaraq bazarda bulud sistemi üzərindən CRM platforması təklif edən şirkətə marketinq və kommunikasiya istiqamətində dəstəyimizi göstərəcəyik. Biz həmçinin bu sahənin inkişafı və sahibkarların maariflənməsi üçün də müvafiq marketinq addımları atmağı planlaşdırırıq.”

Qeyd edək ki, hər iki şirkət bazarda öz sahəsi üzrə məhsul yaratmaqla məşğuldur. Tərəflər növbəti mərhələdə bazar iştirakçılarının tələblərinə uyğun olaraq yeni həll yolları təqdim etmək üzərində çalışacaqlar.